🐓即席日式備長炭燒滋味🔥
-
最近銅鑼灣進駐左間有成14000呎嘅大型鉄板燒日本料理旗艦店，入面仲分開左唔同區域: 鐵板燒區、壽司吧、炭火燒區、Sake Bar 及 Wine Room🥢 單單一間店內就可以品嘗多款日式料理，即係話你可以晚飯前先食幾串串燒，飲返杯啤酒chill下，之後再落鐵板燒/omakase😍 啱哂鐘意日本菜嘅你！地方環境夠寬敞，而今次用餐位置炭燒區屬bar枱位，有師傅係係面前即燒，有睇頭之餘仲風味十足🇯🇵 窗外仲隱約見到少少海景添~
-
依到嘅串燒除左主打用上日本備長炭，高達900度嘅高溫有效快速鎖住肉汁; 仲採用放養嘅三黃雞，肉質味道都有所不同😋 今次都試左唔少款式，以下係特別推介:
•雞皮+豬肉腸: 雞皮薄身，兩面都燒得金黃香脆，帶輕微油香，因為有炭燒，所以添加左一份燒燻味，做伴酒小食一流🤤 豬肉腸外層薄脆，帶鹹香
•香茅免治雞肉棒: 雞肉棒內裏仲保留到啲肉粒增加咬口，配上蛋醬同香茅嘅香味，味道配搭不錯！
•雞腎+雞心+雞尾: 內臟對🍔而言係必食，而且最顯師傅功架！雞腎燒得剛好，爽脆且彈牙！雞尾雖無唔係個個鐘意，但個種爆脂感真係一試上癮🤣
•A5和牛 🐂: 配上 黑蒜汁 & wasabi，醬汁帶微甜，感覺牛肉可以再生少少，同有啲位有筋，影響左口感，但油脂幾豐富，肉質軟淋~
•粟米+青椒仔+甜薯: 推薦要試香草牛油燒粟粉; 甜薯帶陣陣炭香之飲，唔知係咪加左蜜糖，特別甜，但甜得嚟好自然🍠
-
試左接近19款燒物，人均$700-800。但如果大家唔係好似🍔咁用串燒填飽個肚，建議叫幾串，飲杯嘢，再下場~🤣
-
板神鉄板燒日本料理 (信和廣場) (銅鑼灣)
銅鑼灣告士打道255-257號信和廣場1樓103號舖
Search